Igandean Korrika amaitu zen Baionan. Beasaingo Ikastolak aurreneko egunetik eta hasiera-hasieratik ekin zion. Bideo honetan , lehen eguneko geure haur txikienen lekuko-hartzea Ikastola atarian, eta gauean Artezkaritza Kontseilukoena.

Erabiltzailearen balorazioa: 5 / 5

Entseiuak apirilaren 8an hasi behar ditugunez, ikasle bakoitzak 2 makila ekarri behar ditu lehen eskola eguean bertan. Animo haurrok ! Hona....1999ko maiatzean parte hartu genuenean egindako irudi batzuk !.

DANBORRAK JO ETA EUSKARAZ BIZI !

Erabiltzailearen balorazioa: 5 / 5

CAJA RURALeko txirrindulari taldeko Alberto Santz eta Fabrizio Ferrari etorri dira Ikastolara, eta esplikatu digute zer nolako lana egiten duen taldean , eta nolako garrantzia duen eguneroko lanak eta elkarri laguntzeak gero irabazi ahal izateko, nola lana ondo egin arren ez den beti irabazten.... Haurrak txoratzen egon dira, eta LHko ikasleentzako kamisetak eta egutegi batzuk utzi dituzte. Helduak ere txoratzen egon gara, txirrindularitzaz bezala bizitzaz eta Ikastolako filosofiaz ari zirelakoan !

Ah.... esan digute Apirilaren 7-8an Beasainen izango direla eta joateko haurrekin beraien autobusera. Pozarren hartuko gaituztela. Halakoak dira, izan ere, gure ikasleak !

Martxoan zehar kultur ekintza asko ari gara antolatzen. Aste honetan Zinemaldiko Jaialdia eskainiko dugu. Bertan 2 urtetik 12 urtera bitarteko ikasle guztiek hartuko dute parte : antzerkia, kantuak, dantza, majia saioak.... Arratsaldeko 5etan hasiko da saioa. Tartean atsedenaldi txiki bat egingo da, haur txikiak dituzten familiek atera beharrik badute erabili ahal izan dezaten.

Aurreko urteetako Kultur Asteko irudiak www.beasaingoikastola.com orrian ikus ditzakezue Irrati-Telebistak atalean